धादिङमा ट्रक पल्टिँदा ६ जनाको निधन, १५ घाइते
काठमाडौं । धादिङको निलकण्ठ नगरपालिका–८ मा मिनी ट्रक पल्टिँदा ६ जनाको निधन भएको छ ।
ज्वालामुखी गाउँपालिकामा ढोला मण्डलीको दर्शन गरेर फर्किएका दर्शनार्थी बोकेको ग१ख ८०१२ नम्बरको मिनीट्रक दुर्घटना भएको धादिङका एसपी रविन्द्र रेग्मीले जानकारी दिए ।
दुर्घटनामा परेर १५ जना घाइते भएका छन् । ‘घाइतेहरुलाई थप उपचारका लागी काठमाडौं पठाउँदै छौं’ – एसपी रेग्मीले भने – ‘पाँच जनाकाे अवस्था गम्भीर छ ।’
घटनास्थलबाट प्रहरीले घाइतेहरुको उद्धार गरेर जिल्ला अस्पताल धादिङमा पठाएको छ । मृतकको अहिलेसम्म सनाखत भएको छैन ।
प्रतिकृया दिनुहोस