काठमाडाैं । नेपाली राष्ट्रिय महिला फुटबल टोलीले घरेलु मैदानमा वुमेन्स फोर नेसन्स कप खेल्ने भएको छ । 

वुमेन्स फोर नेशन्स कप आगामी फागुन ४ देखि १५ (फेब्रुअरी १७ देखि २६) सम्म काठमाडाैंको त्रिपुरेश्वरस्थित दशरथ रंगशालामा हुने अखिल नेपाल फुटबल संघ (एन्फा) ले बुधबार जानकारी दिएकाे हाे ।

प्रतियोगितामा नेपालसहित कीर्गिस्तान, लेबनान र म्यानमारबीच प्रतिष्पर्धा हुनेछ । यो प्रतियोगिता फेब्रुरीको फिफा विन्डोको बेला हुन लागेको हो ।

नेपालले सन् २०२४ (०८१ कात्तिक) मा दशरथ रंगशालामै साफ महिला च्याम्पिनयनसिप आयोजना गरेको थियो । साफकाे फाइनलमा पुगे पनि नेपाल उपविजेतामा सीमित थियो ।