अछाममा बोइलर कुखुराको मासु खाँदा १ जनाकाे ज्यान गयाे, ३ जना बिरामी
अछाम । बोइलर कुखुराको मासु खाँदा अछाममा एक जनाको ज्यान गएकाे छ ।
ज्यान गुमाउनेमा कमलबजार नगरपालिका-३ बयलाका १५ वर्षीय कमल विक रहेका जिल्ला प्रहरी कार्यालयका प्रहरी नायब उपरीक्षक ईश्वरी भण्डारीले जानकारी दिनुभयाे ।
बयलास्थित तुलासिहं विकको घरमा ल्याएको बोइलर कुखुराको मासु खाएर उनकै छोरा कमलको ज्यान गएकाे हाे ।
मासु खाँदा विकको घरमा थप ३ जना बिरामी भएका छन् । बिरामीको जिल्ला अस्पताल मंगलसेनमा उपचार भइरहेको छ ।
मृतकको शव परीक्षणका लागि जिल्ला अस्पताल मंगलसेनमा राखिएको छ । के कति कारणले मृत्यु भएको तथा बिरामी भएको भन्नेबारे शव परीक्षणपछि मात्र थाहा हुने प्रहरी नायव उपरीक्षक भण्डारीले बताउनुभयाे ।
- रासस
प्रतिकृया दिनुहोस