काठमाडौं । सुनसरीको दुहबी नगरपालिका–९ सप्तरिया टोलमा किशोरीलाई बलात्कार गरेर फरार भएका कलाम भन्ने कलामदिन मियाँलाई प्रहरीले पक्राउ गरेको छ । 

३ वैशाखमा कलामदिनले १४ वर्षीया किशोरीलाई सप्तरिया टोलस्थित जंगलमा लगेर बलात्कार गरेर फरार भएका थिए । 

सप्तरीको गढी गाउँपालिका–१ मधेली बस्ने २६ वर्षीय कलामदिनलाई मंगलबार राति पक्राउ गरिएको जिल्ला प्रहरी कार्यालय सुनसरीले जनाएको छ ।

इलाका प्रहरी कार्यालय दुहबीबाट खटिएको प्रहरी टोलीले उनलाई दुहबी नगरपालिकाको प्रास्टोकीबाट पक्राउ गरेको हो । घटनाबारे थप अनुसन्धान भइरहेको प्रहरीले जनाएको छ ।