• २३ मङ्सिर २०७६, सोमबार
  • Monday,09 December,2019

ग्लोबल टी–२० क्रिकेटको उपाधि सोमपालको टिम हक्सलाई

सनराइज खबर स‌ंवाददाता

काठमाडौं । नेपाली फास्ट बलर सोमपाल कामी आबद्ध विनपेग हक्सले ग्लोबल टी–२० लिगको उपाधि जितेको छ । आइतबार राति भएको फाइनलमा भ्यानकुभर नाइटलाई सुपर ओभरमा हराउँदै हक्सले उपाधि जितेको हो ।

फाइनल खेलमा पनि सोमपाल टिममा परेनन् । अघिल्ला खेलमा कमजोर प्रदर्शन गरेका कारण उनी बाहिर थिए ।

तर, आफू आबद्ध टिमले क्यानडाको प्रतिष्ठित लिगका रुपमा रहेको प्रतियोगिता जितेसँगै सोमपाल पहिलो विदेशी लिग जित्ने खेलाडीका रुपमा रहे ।

यसअघि क्वालिफायर खेलमा  सुरुआति ११ मा स्थान बनाउन नसकेका सोमपालले १२ औं खेलाडीका रुपमा मैदान प्रवेश गर्दै शाहिद अफ्रिदीको क्याच लिएका थिए । 

विनिपेग्सले पहिला ब्याटिङ गर्दै निर्धारित २० ओभरमा ८ विकेट गुमाएर १९२ रन बनाएको थियो । उसका लागि साइमान अनवरले ९० र क्रिस लिनले ३७ रन बनाए ।

भ्यानकुभर नाइट्सका आन्द्रे रसेलले ४ विकेट लिए । 

१९३ रनको लक्ष्य पछ्याएर मैदान उत्रिएको भ्यानकुभर पनि निर्धारित २० ओभरमा ६ विकेट गुमाएर १९२ रनमा रोकियो ।

भ्यानकुभरका कप्तान सोयब मल्लिकले ६४ र आन्द्रे रसेलले नट आउट ४६ नट बनाए । 

त्यसपछि खेल सुपर ओभरमा गयो ।

सुपर ओभरमा  पहिला ब्याटिङ गरेको भ्यानकुभरले २ विकेट गुमाएर ९ रन बनाएको थियो । 

सुपर ओभरको पहिलो बलमा आन्द्रे रसेलले छक्का प्रहार गरेका थिए । दोस्रो बलमा एक रन लिए । तेस्रो बलमा लेग बाई मार्फत १ रन आएको थियो । चौथो बलमा रसेल आउट भएका थिए । पाँचौं बल डट भयो भने छैटौं बलमा भान डुर सेन आउट भए ।

१० रनको लक्ष्य पछ्याएको विनिपेग्सले २ बल बाँकी छँदै पुरा गर्‍याे 

विनिपेगले ब्राम्प्टन उल्भ्लाई पराजित गर्दै फाइनलमा पुगेको थियो भने भ्यानकुभर नाईट्सले ब्राम्प्टनलाई डकवर्थ हराएर फाइनल यात्रा तय गरेको थियो ।
 

प्रतिकृया दिनुहोस