काठमाडाैं । नेपालमा गत २४ घण्टामा ३ हजार ३ सय ८४ जनामा काेभिड-१९ संक्रमण पुष्टि भएकाे छ ।

८ हजार ५ सय ६ जनाको पीसीआर परीक्षण गर्दा २ हजार ३ सय ८२ जना र ५ हजार ९ सय ८८ जनाको एन्टीजेन परीक्षण गर्दा १ हजार २ जना कुल ३ हजार ३ सय ८४ जनामा संक्रमण देखिएकाे स्वास्थ्य तथा जनसंख्या मन्त्रालयले जनाएको छ ।

याेसँगै अहिलेसम्म पीसीआर विधिबाट परीक्षण गर्दा संक्रमित हुनेकाे संख्या ६ लाख ६ हजार ७ सय ७८ पुगेकाे मन्त्रालयले शनिबार जारी गरेकाे तथ्यांकमा उल्लेख छ । एन्टीजेन विधिबाट गरिएकाे परीक्षणमा १९ हजार ७ सय ५७ जनामा कोभिड पुष्टि भएको छ ।

गत २४ घण्टामा ६ हजार २ सय ९५ जना संक्रमणमुक्त भएका छन् । योसँगै निको हुनेको संख्या ५ लाख २७ हजार १ सय ११ पुगेको छ । नेपालमा काेभिड निकाे हुने दर ८६ दशमलव ९ प्रतिशत पुगेकाे मन्त्रालयले जनाएकाे छ ।

केही दिन यता ज्यान गुमाउनेकाे संख्या पनि कम हुँदै गएकाे छ । गत २४ घण्टामा ६१ जना संक्रमितकाे ज्यान गएकाे छ । याेसँगै  नेपालमा काेभिडबाट ज्यान गुमाउनेको संख्या ८ हजार ३ सय ६६ पुगेको छ । नेपालमा काेभिड मृत्युदर १ दशमलव ६ प्रतिशत रहेकाे मन्त्रालयले जनाएकाे छ ।

नेपालमा आज ७१ हजार ३ सय १ सक्रिय संक्रमित छन् ।