काठमाडाैं । नेपाललाई अमेरिकाले ठूलो परिमाणमा काेभिड विरुद्धकाे खाेप उपलब्ध गराउने घाेषणा गरेकाे छ । खोपको परिमाण भने अहिले निश्चित भइसकेको छैन ।

अमेरिकाले खोप दिन लागेको प्रधानमन्त्री केपी ओली स्वयंले पुष्टि गर्नुभएको छ । उहाँले ट्‍वीटरमा लेख्दै अमेरिकाका राष्ट्रपतिलाई धन्यवाद दिनुभएको छ । परराष्ट्रमन्त्री प्रदीप ज्ञवालीले पनि काेभिड खाेप सहयाेग गरेकाेमा अमेरिका र अमेरिकी जनतालाई ट्‍‍वीटरमार्फत धन्यवाद दिनुभएकाे छ ।

‘खोपको भोको’ नेपालले खोपका लागि विभिन्न देशसँग सहयोग मागिरहेको थियो । राष्ट्रपति भण्डारीले खोप ल्याउन विशेष कूटनीतिक पहल गर्नुभएको थियो । उहाँले खोप ल्याउन अन्तराष्ट्रिय समुदायलाई विशेष अपिल पनि गर्नुभएको थियो । 

* खोपको परिमाण तोकेर प्रकाशित यो समाचारबाट परिमाण हटाइएको छ।