काठमाडौं । पर्सास्थित वीरगन्ज महानगरपालिका–२५ ड्राइपोर्ट बहुअरी नजिकैको सडकखण्डबाट प्रहरीले ठूलो परिमाणमा गाँजा बरामद गरेको छ । 

मंगलबार बिहान नेपालबाट भारततर्फ जाँदै गरेको बिआर २८ जि २००७ नम्बरको बोलेरो गाडी चेकजाँच गर्दा ८९ किलो गाँजा फेला परेको जिल्ला प्रहरी कार्यालय पर्साका एसपी सोमेन्द्रसिंह राठौरले जानकारी दिए । 

बोलेरो गाडीमा फल्स बटम बनाएर लुकाएर भारततर्फ गाँजा लाँदै गरेका चार जनालाई प्रहरीले पक्राउ गरेको छ । 

पक्राउ पर्नेमा महोत्तरीका नूर महमद हुसेन, भारत बिहार घर भएका आलम साइन, भारत बिहारका इर्साद साइन र बिहारकै सुनिल साह छन् । 

गाँजा तस्करीमा संलग्नहरुबारे थप अनुसन्धान भइरहेको जिल्ला प्रहरी कार्यालय पर्साले जनाएको छ ।