काठमाडौं । सुनसरीको रामधुनी गाउँपालिका–५ झुम्का बजारनजिकै बस्ने १० वर्षीया बालिकालाई दुर्व्यवहार गर्ने भीम गुरुङलाई प्रहरीले पक्राउ गरेको छ ।

३५ वर्षीय भीमले बालिकालाई कोही नभएको मौका छोपेर ललाई फकाई भान्साकोठामा अश्लील फोटो भिडियो देखाउँदै दुर्व्यवहार गरेका थिए । उनले बालिकालाई अश्लील भिडियो देखाएर आफ्ना याैनांग देखाउँदै बालिकको संवेदनशील अंग छामेर मुख, छाती र गुप्तांगमा चुम्बन गरेको इलाका प्रहरी कार्यालय पकलीले जनाएको छ ।

यसभन्दा पहिले पनि ती बालिकासँग जिस्किने, चल्ने र सुम्सुम्याउने गर्दै आएका भीमविरुद्ध जबरजस्ती करणी उद्योगमा अनुसन्धान भइरहेको इलाका प्रहरी कार्यालय पकलीका निरीक्षक जितेश दाहालले जानकारी दिए ।