काठमाडौं । अर्काको घरमा छिरेर हतियार देखाउँदै जबरजस्ती चोरी गरेको मुद्धामा फरार रहेका छेदन लामालाई प्रहरीले पक्रेको छ । 

काभ्रेको रोशी गाउँपालिका–१ घर भएका छेदनले काठमाडौं–२३ मा रहेको भुतनाथ मैदीको घरमा प्रवेश गरी हतियार देखाएर सुन र नगद चोरेर भागेका थिए । 
 
०७१ मा भुतनाथको घरबाट २ लाख ६६ हजार नगद र सुन चोरेको मुद्धामा काठमाडौं जिल्ला अदालतले ४ बर्ष कैद सजाय हुने फैसला गरेको छ । 

तीन लाख १४ हजार जरिवाना समेतको फैसला भएसँगै फरार भएका छेदनलाई कुपण्डोलबाट पक्राउ गरिएको प्रहरीको केन्द्रिय अनुसन्धान ब्युरोले जनाएको छ । 

सिआईबीका अनुसार ०७१ मंसिरमा छेदनको मुद्धा जिल्ला अदालतले फैसला गरेको थियो । 

अदालतको आदेशले छेदनलाई कैद भुक्तानीका लागी केन्द्रिय कारागार सुन्धारा पठाईएको छ ।