• २९ मङ्सिर २०७६, आइतबार
  • Sunday,15 December,2019

बुद्धचित्तको मालासहित चारजना पक्राउ 

सनराइज खबर स‌ंवाददाता

काठमाडौं । अबैध रुपमा काभ्रेबाट काठमाडौं तर्फ ल्याउँदै गरेको बुद्धचित्तको मालासहित चारजनालाई प्रहरीले पक्राउ गरेको छ । 

भक्तपुरको सुर्यविनायकमा बा.२ ज ५२२३ नम्बरको ट्याक्सी चेक गर्दा अवैध रुपमा ल्याउँदै गरेको १ सय किलो बुद्धचित्तको दाना सहित चारजनालाई नियन्त्रणमा लिईएको प्रहरीले जनाएको छ । 

पक्राउ पर्नेहरुमा काठमाडौं–७ बसुन्धारा बस्ने शुक्र लामा, दोलखा भिमेश्वरका रोशन कार्की, रामेछाप सुनापतीका रुपेश लामा र ट्याक्सी चालक बिनोद माझी रहेका छन् । 

बन कार्यालयको निकाशी पुर्जी र गाउँपालिकामा कर तिरेको रसिद बिना उनीहरुले अवैध रुपमा बुद्धचित्तको दाना ल्याएको महानगरीय प्रहरी वृत जगातिले जनाएको छ । 

माला कहाँबाट कसरी ल्याईयो भन्नेबारे अनुसन्धान भईरहेको प्रहरीले जनाएको छ । 

काभ्रे, रामेछाप र सिन्धुली लगायतका जिल्लामा पाईने बुद्धचित्तको दाना महंगो मूल्यामा चीन निकाशी हुँदै आएको छ ।


 

प्रतिकृया दिनुहोस