काठमाडौं । काठमाडौंको नागढुंगाबाट दुई केजी सुनसहित एक जनालाई प्रहरीले पक्राउ गरेको छ । 

पक्राउ पर्नेमा रसुवाको गोसाईकुण्ड गाउँपालिका–५ स्याफ्रुवेशीका भिम बहादुर तामाङ रहेको महानगरीय प्रहरी वृत थानकोटका डिएसपी कुमार विक्रम थापाले जानकारी दिए । 

भैरहवाबाट काठमाडौं आउँदै गरेको लु. २ ख ६५२ नम्बरको बसमा चेकजाँच गर्दा भिमबहादुरको साथमा २ किलो सुन फेला परेको थियो । 

रसुवाबाट सुन बोकेर काठमाडौं आउँदै गरेका भिम बहादुर गल्छिबाट सो बसमा चढेका थिए ।