काठमाडौं । सामाखुसीस्थित एक मिठाई पसलमा घुस लिँदै गरेको अवस्थामा चार जना प्रहरी जवानलाई अख्तियारले पक्राउ गरेको छ ।
 
ट्राफिक महाशाखा मातहत रहेको ट्राफिक प्रहरी बिट नयाँ बसपार्कमा कार्यरत प्रहरी जवान देवेन्द्र बलायर, आकाश खनाल र निरज भण्डारीलाई नियन्त्रणमा लिइएको अख्तियार प्रवक्ता (सहसचिव) प्रदीप कोइरालाले जानकारी दिए । 

पक्राउ पर्नेमा महागनरीय प्रहरी गण नम्बर–२ मा कार्यरत प्रहरी जवान हिटलर साउद पनि छन् । 

आयोगबाट खटिएको टोलीले उनीहरुको साथबाट घुसबापत लिएको रकम एक लाख रुपैयाँ बरामद गरेको छ ।
 
दुर्घटनामा परेको सवारीको बिमा दाबी गर्नका लागि आवश्यक कागजात तयार गर्नका लागि उनीहरुले घुस मागेको आयोगले जनाएको छ । 

पछिल्लो समय सेवाग्राहीले घुस दिन खोज्दा प्रहरीले धमाधम पक्राउ गर्दै आएका थिए । तर, शुक्रबारको घटना फरक देखिएको छ ।