काठमाडौं । प्रहरीले ललितपुरको सुनाकोठी र गोदावरीमा सञ्चालित ठूला जुवा अखडामा छापा मारेको छ । 

ललितपुर महानगरपालिका-२७ स्थित सुनाकोठीमा रामेछापका मानबहादुर श्रेष्ठको अस्थायी टहरामा जुवा खेलिरहेकाे अवस्थामा प्रहरीले आठ जनालाई पक्राउ गरेकाे छ ।

उनीहरुको साथबाट ४७ हजार नगद तथा तीन बुक ताससमेत बरामद गरिएको ललितपुर प्रहरीले जनाएको छ । 

सुनाकोठीबाट पक्राउ पर्नेहरुमा अदिप राई, अशोक राई, दीपेन्द्र राई, मानबहादुर श्रेष्ठ, अनुप नगरकोटी, जीवन लामा, रेन्जी शेर्पा र दीप तामाङ छन् । 

त्यस्तै, गोदावरी नरपालिका-१० झ्यालुङटारमा रहेको ‘भ्यू कटेज’मा जुवातास खेल्दै गरेका १४ जनालाई महानगरीय प्रहरी वृत्त चापागाउँले पक्रेको छ । ‘भ्यु कटेज’को जुवाखालबाट प्रहरीले पाँच लाख रुपैयाँ नगदसमेत बरामद गरेको छ । 

सो जुवाखालबाट पक्राउ पर्नेहरुमा कृष्णचन्द्र देशार, सन्चलाल पाख्रिन, सन्तोष बजगाईं, राजु तामाङ, विजय तामाङ, नारायण भोम्जन, झलक तामाङ, विसे तामाङ, कान्छा तामाङ, रवि महर्जन र आशा तामाङलगायत छन् ।