काठमाडौं । काभ्रे घर भएका प्रमोद गुरुङ्ग भर्खर विदेशबाट फर्केका थिए । बुढानिलकण्ठ स्थित नारायणस्थानमा अस्थायी बसोबास गर्ने प्रमोद र म्याग्दी घर भएकी एक युवतीको बिचमा फेसवुकमार्फत प्रेम अंकुराउँछ । मंगलबार उनीहरु घर छाडेर सँगै बस्ने योजना बनाउँछन् । अनि पुग्छन् काठमाडौंको गोंगवुस्थित शुभकलश गेष्ट हाउस । 

बुधवार बिहान सोही गेष्ट हाउसमा प्रमोद गुरुङ्ग मृत फेला परेका छन् । 

सुतिरहेको अवस्थामा प्रमोद मृत फेला परेको महानगरीय प्रहरी परिसर काठमाडौंका प्रवक्ता (डिएसपी) होविन्द्र बोगटीले जानकारी दिएका छन् ।  ‘फरेन्सिक डाक्टरको टोली र प्रहरी घट्नास्थलमा पुगेको छ’ डिएसपी बोगटीले भने, ‘अनुसन्धान गर्दै छौं ।’ 

प्रमोदको सुतिरहेको अवस्थामा मृत्यु भएको भन्दै उनकी प्रेमिकाले प्रहरीलाई खबर गरेकी थिईन् । सँगै रहेकी युवतीलाई प्रहरीले नियन्त्रणमा लिएको छ ।