काठमाडौं । नेपाली कांग्रेसका सभापति गगन थापाले जातीय भेदभाव तथा छुवाछूतको समस्या कुनै एक समुदाय वा वर्गमा सीमित नभई समग्र राष्ट्रसँग जोडिएको विषय भएको बताउनुभएको छ।

जातीय भेदभाव तथा छुवाछूत उन्मूलन राष्ट्रिय दिवसको अवसरमा शुभकामना सन्देश जारी गर्दै उहाँले विभेदरहित समाज निर्माणका लागि सबै पक्षको एकीकृत प्रयास आवश्यक रहेको उल्लेख गर्नुभएको हो। सामाजिक न्याय, समानता र मानव अधिकारको सुनिश्चिततामार्फत मात्रै यस्तो कुरीतिको अन्त्य सम्भव हुने उहाँको भनाइ छ।

थापाले जातका आधारमा गरिने विभेद, अपमान र बहिष्करणजस्ता व्यवहार अन्त्य गर्न दिवसले सकारात्मक सन्देश दिन सक्ने विश्वास व्यक्त गर्नुभएको छ। उहाँले सबै नागरिक समान अधिकारका हकदार रहेको धारणा समाजमा अझ मजबुत बनाउनुपर्ने आवश्यकता औंल्याउनुभएको छ।

यस अवसरमा उहाँले नेपाललाई जातीय भेदभावमुक्त राष्ट्र घोषणा गर्ने पहलमा योगदान पुर्‍याएका पूर्वप्रधानमन्त्री Girija Prasad Koirala प्रति सम्मान व्यक्त गर्नुभएको छ। साथै दलित समुदायले लामो समयदेखि भोग्दै आएको छुवाछूत तथा विभेद अन्त्यका लागि नेपाली कांग्रेस निरन्तर प्रतिबद्ध रहेको उहाँले बताउनुभएको छ।