English

अर्थ

सञ्चालनमा आयो आधुनिक इँटा उद्योग

sunrisekhabar

नुवाकोट । नुवाकोटको लिखु गाउँपालिका–१ मुरलीटारमा भैरवीमाई इँटा उद्योग प्रालि सञ्चालनमा आएको छ । विद्युतीय उपकरणमार्फत उत्पादन हुने भएकाले इँटाको गुणस्तर नेपालमै उच्च कोटीको रहेको उद्योगले दाबी गरेको छ ।

चिनियाँ प्रविधि र जनशक्तिमार्फत निर्माण गरिएको आधुनिक इँटा उद्योगले आजदेखि नियमित उत्पादन शुरु गरेको प्रालिका अध्यक्ष हरिकृष्ण महर्जनले जानकारी दिएका छन् । उनका अनुसार “उद्योगको उत्पादन प्रविधि र उपकरणका सहायताबाट गरिएको छ भने धुवाँ र मानवीय श्रममुक्त भएकाले उद्योग वातावरणमैत्री रहेको छ । उनले भने, “माटो खन्नेदेखि उत्पादन सम्मका सबै काम प्रविधि र उपकरणको सहायताबाट हुन्छ । कम लगानीमै धेरै उत्पादन गर्न सकिने हुँदा उपभोक्तालाई हाल बजारको मूल्यभन्दा सस्तो, आकारमा ठूलो र गुणस्तरीय उत्पादन दिइनेछ ।” 
 
इँटा उद्योगमा हुने बालश्रम तथा श्रमशोषण विकराल रहेको अवस्थामा सञ्चालनमा आएको यस उद्योगले ती समस्या समाधान गर्ने विश्वास लिइएको छ । विद्युतीय टनेल मार्फत तयार गरिने हुँदा इँटा उत्पादनका क्रममा आउने धुवाँले वातावरणमा पु¥याउने समस्या र इँटा पोल्न काठका लागि हुने जङ्गल फँडानीसमेत निवारण हुने उद्योगले जनाएको छ । 

उद्योग सञ्चालक समितिका सदस्य नारायणमान श्रेष्ठका अनुसार हाल सञ्चालमा रहेका अन्य इँटा उद्योगले हिउँदको समयमा मात्र चल्ने, बादल र वर्षाबाट उत्पादन प्रभावित बन्ने भए पनि भैरवीमाई उद्योग बाह्रै महीना चलाउन सकिनेछ । 

यहाँ उत्पादन भएका इँटा काठमाडाै उपत्यका सहित चितवन, हेटौँडा, पोखरालगायतका स्थानसम्म पहुँच राख्नसक्ने सञ्चालकको दाबी छ । हाल ८० रोपनी जग्गामा फैलिएको आधुनिक संरचनामा निर्मित उक्त उद्योगमा रु ३५ करोड लगानी छ । 

प्राप्त प्रतिक्रिया
तपाईँको मत