गुर्जुधारामा शनिबार बाइक रेसिङ प्रतियोगिता
काठमाडौं । शनिबार ‘रोड रेसिङ च्याम्पियनसिप २०१९’ आयोजना हुने भएको छ ।
काठमाडौंको गुर्जुधारामा रहेको भेइकल एकेडेमी एन्ड रिसर्च सेन्टरमा बाइक रेसिङ प्रतियोगिता ‘टीभीएस रेसिङ’ हुने भएको हो ।
टीभीएस बाइक तथा स्कुटरको आधिकारिक वितरक जगदम्बा मोटर्स मुख्य प्रायोजक रहेको सो प्रतियोगितामा मोटर स्पोर्ट्स नेपालले आयोजना गरेको हो ।
रेसिङ प्रतियोगितामा नोभिस, ओपन र नेसनल गरी तीन क्याटागोरीमा राइडरहरु सहभागी हुने छन् । यसका लागि १ सय ५० देखि २ सय सीसी सम्मका बाइक प्रयोग गरिने छ ।
सो प्रतियोगितामा एक सय भन्दा बढी बाइक राइडरहरुको सहभागिता हुने जनाइएको छ ।
च्याम्पियनसिपका लागि पेट्रोनस लुब्रिकेन्ट, गल्फ लुब्रिकेन्ट, क्यास्ट्रोल लुब्रिकेन्ट र एभरेष्ट लुब्रिकेन्टले पनि प्रायोजन गरेका छन् । लुब्रिकेन्ट कम्पनीहरुका अफिसियल राइडरहरु पनि प्रतियोगितामा सहभागी हुने मोटर स्पोर्ट्स नेपालका अध्यक्ष विनोद तण्डुकारले बताए ।
प्रतिकृया दिनुहोस