काठमाडौं । शेयर बजारमा सामान्य सुधार आएको छ । पछिल्लो समय घट्दो क्रममा रहेको नेप्से परिसूचक १.७३ अंकले बढेर १ हजार १ सय ४० दशमलब ९८ अंक पुगेको हो । 
वाणिज्य बैंकको कारोबार जनाउने सेन्सेटिभ परिसूचक पनि ०.१० अंकले बढेको छ ।

तीन दिनपछि  खुलेको बजारमा सोमबार १ सय ७० कम्पनीको ७ लाख ४३ हजार ३ सय १५ कित्ता शेयर किनबेच भएको छ । 

यसरी खरिदबिक्री हुँदा बजारमा १७ करोड ७२ लाख ७९ हजार ३९ रुपैयाँको कारोबार भएको छ । 

आज कारोबारमा आएका समूहमा जलविद्युत, वित्त, म्युचुअल फण्ड बाहेक सबै समूहका परिसूचक बढेका छन् । बैकिङ, होटल, विकास बैंक, बिमा कम्पनी लगायतका समूहका परिसूचक बढेका हुन् । 

सोमबार सबैभन्दा बढी प्रभु बैंकको शेयर किनबेच भएको छ ।